अछामः
मंगलसेन नगरपालिका वडानम्वर १ भट्टे निवासी समाजसेवी खडक बहादुर थापाको निधन भएको छ । साविक कुन्तिवण्डाली गाविस प्रधानपञ्च थापाको ९५ वर्षको उमेरमा आफ्नै निवासमा निधन भएको हो ।
समाजसेवी थापा विक्रम संवत २०२८ सालमा कुन्तिवण्डाली गाविसको प्रधानपञ्चमा निर्वाचित हुनुभएको थियो भने त्यसपछी निरन्तर २०४३ साल सम्म (३ कार्यकाल) १५ वर्ष प्रधानपञ्चका रुपमा निर्वाचित हुनुभएको थियो ।
निकै शाहसी र हक्की स्वभावका समाजसेवी थापा सामाजिक हित र विकासका लािग निरन्तर जनतासंग हातेमालो गर्दै डटेर लाग्नुभएको स्थानीयको भनाई छ । गाउँवासी जनताहरुको हितका लागि डोटी र दैलेखका अड्डा धाउदै समाजसेवामा तल्लिन रहेका स्व. थापाला वडाका स्थानीयहरुले अभिभावको रुपमा लिने गर्दछन ।
स्व. थापाको भाद्र २८ गतेका दिन बुढिगंगाको छायतडामा अन्तिम दाहसंस्कार गरिने उनका छोरा शेर बहादुर थापाले जानकारी दिनुभयो ।
