पावर परियोजना सल्लाहकार समितिको बैठक तथा बार्षिक समिक्षा मंगलसेनमा सम्पन्न

कार्यक्रममा अथितिको रुपमा बोल्दै षोडसा देवि माविका प्रधानाध्यापक मदन बहादुर कुवरले बिधालयमा संचालनमा रहेको क्यचअफ कार्यक्रम राम्रो भएको बताउनुभयो । यो कार्यक्रमले बिधार्थिले बिधालय छोड्ने दरमा पनि कमि आएको बताउदै यसलाई निरन्तरता दिनुपर्ने बताउनुभयो ।

वडाध्यक्षको तर्फबाट बोल्दै वडा नम्बर ३ का अध्यक्ष बृख बहादुर बोगटीले परियोजनाले गरेका कामको पहिलो अनुगमनमा गएको भन्दै यो परियोजनाले गरेको काम प्रति खुशी व्यक्त गर्नुभयो । त्यस्तै मंगलसेन नगरपालिकाका निमित्त प्रमुख प्रसासकिय अधिकृत खकेन्द्र बहादुर सोडारीले विपन्नको क्षेत्र लगाएत जनशक्तिको अभावमा नगरले गर्न नसकेका काम पनि यो संस्थाले त्यो समुदायसम्म पुगेर गरेको भन्दै धन्यवाद दिनुभयो ।

परियोजनाले गरीरहेका कामका बारेका वाक नेपालका संयोजक महादेव ओझाले जानकारी गराउनु भएको थियो । परियोजनाले युवा उद्ममीलाई जीवन उपयोगी सीप मुलक तालिम, बिधालयमा जीवन उपयोगि सिपको कक्षा संचालन, समुदाय स्तरमा बालविवाह सम्बन्धि सचेतना सत्र, समुदायमा कार्यमुलक साक्षरता, स्वास्थ्यकर्मीलाई तालिक, बिधालयमा कक्षा ९ का बिधार्थिलाई क्याच अफ क्लास दिने गरेको छ ।

वाक नेपाल, सेभ द चिल्ड्रेन र बालगारीको सहयोग तथा मंगलसेन नगरपालिकाको समन्वयमा भएको कार्यक्रममा नगर प्रमुख पदम बहादुर बोहराले परियोजनाले गरिब बिधार्थिलाई बिधालयमा आयआर्जनमा महत्वपूर्ण काम गरेको बतानुभयो । सचेत नागरिकले यस्तो कार्यक्रमको अपनत्व लिन सक्नुपर्ने उहाँको भनाई छ ।

कार्यक्रममा वडाध्यक्षहरु, नगरपालिकाका विभिन्न शाखाका प्रमुख तथा प्रतिनिधि, विभिन्न संघसंस्थाका प्रमुख तथा प्रतिनिधि, पत्रकार लगाएतको उपस्थिति रहेको थियो । सेभ द चिल्ड्रेनका प्रेम पुनले कार्यक्रमको उदेश्यका बारेमा जानकारी गराउनु भएको थियो भने कार्यक्रमको संचालन रमिता ढुंगानाले  गर्नु भएको थियो ।