०५ पुस ( चक्र प्रसाद जैसी ) मंगलसेन – लागु औषध महाअभियान २०८० अनुसार लागु औषध दुव्र्यसनी लगायत विभिन्न विषयमा जनचेतनामुलक कार्यक्रम अछाम प्रहरीले आज पनि सम्पन्न गरेको छ ।
“सामुदायिक प्रहरी साझेदारी’’ कार्यक्रम अन्तरगत ईलाका प्रहरी कार्यालय बगुढाठाँटी र विनायक अछामको आयोजनामा जिल्लाका २ ठाउँमा कार्यक्रम सम्पन्न भएका छन् ।
मेल्लेख गाउँपालिका वडा नम्बर ३ स्थित पिपरचौर मावि र पञ्चदेवल विनायक नगरपालिका २ स्थित स्थानिय बजारमा छलफल कार्यक्रम गरिएका अछाम प्रहरीले जनाएको छ ।
बालबालिका र स्थानीयहरुको उपस्थितिमा लागु औषध दुव्र्यसनी लगायतका विविध विषयमा छलफल गरिएको हो ।
