१६ पाैष,मंगलसेन : नेपाली कांग्रेसका सुदुरपश्चिम सहमहामन्त्री अम्बिका चलाउनेले मेलमिलापको नीति कांग्रेसको मूल नीति भएको बताउनुभएको छ ।
बीपीले देखाएको मेलमेलापको बाटो नै कांग्रेसको मूल बाटो भएकोले यो बाटोलाई कांग्रेसले बिर्सन नहुने बताउनुभयो । आज सोमबार ४८ औं राष्ट्रिय एकता दिवस तथा मेलमिलाप दिवसका अवसरमा नेपाली काङ्ग्रेस अछामद्वारा आयोजित कार्यक्रममा बोल्नुहुँदै उहाँले बीपीले कुनै संस्था वा कुनै दललाई नभई राष्ट्रियताका लागि सहकार्य र लोकतन्त्र स्थापनाको सङ्घर्षका लागि लिइएको नीतितर्फ राजनीतिक दलको ध्यानाकर्षण हुनुपर्ने भनाइ थियाे।
प्रजातन्त्र प्राप्तिका लागि मात्र नभई देश निर्माणका लागि पनि बिपी कोइरालाको महत्वपूर्ण योगदान रहेको चर्चा गर्नुभयो ।
त्यस्तै कार्यक्रममा विशिष्ट अतिथिको रूपमा बोल्नु हुँदै नेपाली काङ्ग्रेस सुदुरपश्चिम प्रदेश कार्यसमिति सदस्य बेदप्रकाश तिमिल्सैनाले मुलुकको आर्थिक र सामाजिक रुपान्तरणका लागि बिपीको विचारलाई आत्मसात् गर्दै अघि बढ्नुपर्ने बताउनु भएकाे छ। बीपी लगायतका नेताहरुले ल्याएको राष्ट्रिय एकता तथा मेलमिलापको नीति लाई सबैले अनुसरण गरेर अघि बढ्नुपर्ने बताउनुभयाे ।
कार्यक्रममा बोल्ने बक्ता हरुले नेपाली काङ्ग्रेस पार्टी गुट उपगुटबाट ग्रसित बनेकोले गुट उपगुटरहित काङ्ग्रेस हुनुपर्ने बताएका थिए । काङ्ग्रेस बाट निर्वाचित जनप्रतिनिधि हरुले पार्टी संग समन्वय सहकार्य नगरेर आफ्नै तरिकाले काम गरिरहेका आरोप लगाए । नेताकार्यकर्ता बिचको सम्बन्ध प्रगाढ बनेपछि मात्रै पार्टी बलियो हुने भएकोले सबै एकताबद्ध तरिकाले पार्टीलाई अगाडि बढाउनुपर्ने उनीहरुको भनाइ छ ।
कार्यक्रममा महासमिति सदस्य सुरत बहादुर बिष्ट ,पदमराज अधिकारी ,अन्जु मल्ल ,भगवती खनाल,जिल्ला समन्वय समितीका प्रमुख ललित बहादुर कुवर,नेपाली काङ्ग्रेस क्षेत्र नम्बर २ क्षेत्रीय सभापति पुष्पराज शर्मा , बान्निगढी जयगढ गाउँपालिका अध्यक्ष टेकबहादुर साउद,महाधिवेशन प्रतिनिधि पुर्णा शाह लगायत नेताहरुले मन्तव्य राखेका थिए । पार्टी उपसभापति अर्जुन ताम्राकारको स्वागत मन्तव्य बाट सुरु भएको कार्यक्रमको संचालन पार्टी प्रबक्ता पदम बहादुर शाहले गर्नुभएको थियो ।
पार्टीका संस्थापक नेता विश्वेश्वरप्रसाद कोइराला (बीपी) लगायतका नेताहरु राष्ट्रिय एकता तथा मेलमिलापको नीति लिई भारतबाट स्वदेश फर्किएको दिनको सम्झनामा कांग्रेसले हरेक वर्ष पुस १६ गते मेलमिलाप दिवस मनाउँदै आएको छ।
