मंगलसेनमा सम्पन्न १४ औं जिल्ला स्तरीय राष्ट्रपति रनिङ शिल्ड प्रतियोगिताको उपाधि साँफेबगर नगरपालिकाले उचालेको छ । जिल्लाका १० स्थानीय तह सहभागि प्रतियोगितामा साँफेबगर नगरपालिकाले ५ स्वर्ण, ७ रजत र ५ कास्य गरी जम्मा १६ पदक प्राप्त गरि प्रथम हुन सफल भएको हो ।
प्रतियोगितामा दोस्रो स्थान हाँसिल गर्न सफल पञ्चदेवल विनायक नगरपालिकाले ५ स्वर्ण, २ रजत र ७ कास्य गरी १४ पदक प्राप्त गरेको छ भने तेस्रो भएको मेल्लेख गाउँपालिकाले ४ स्वर्ण, २ रजत गरी गरी ६ अंक प्राप्त गर्न सफल भएको छ । प्रतियोगितामा चौथो भएको चौरपाटी गाउँपालिकाले ४ स्वर्ण र २ रजत गरि ६ पदक, पाँचौं भएको मंगलसैन नगरपालिकाले ३ स्वर्ण, ३ रजत र ७ कास्य गरी १३ पदक, छैठौं भएको कमलवार नगरपालिकाले २ स्वर्ण, २ रजत र ४ कास्य गरी ८ अंक प्राप्त गरेको छ ।
यस्तै सातौं स्थान प्राप्त गरेको रामारोशन गाउँपालिकाले १ स्वर्ण, ६ रजत र २ कास्य गरी ९ पदक, आठौं भएको तुर्माखाँद गाउँपालिकाले १ स्वर्ण, २ रजत र २ कास्य गरी ५ पदक, नवौं सथानमा रहेको वान्नीगढी गयगढ गाउँपालिकाले १ स्वर्ण २ रजत गरी ३ पदक र दशौं स्थानमा रहेको ढकारी गाउँपालिकाले २ कास्यपदक प्राप्त गरेको छ ।
माघ ६ गतेबाट सुरु भएको १४ र्औ जिल्लास्तरीय राष्ट्रपति रनिङ शिल्ड प्रतियोगितामा जम्मा २६ स्वर्ण, २६ रजत र ३१ कास्य पदकका लागि प्रतिष्प्रधा भएको थियो ।
