भर्ना अभियानलाई सफल पार्न मालिका सामुदायिक सिकाई केन्द्र मंगलसेन १, २ र १३ का सवै सामुदायिक विद्यालयहरुमा पुग्ने

मालिका सामुदायिक सिकाई केन्द्रकाे आयाेजनामा विद्यार्थी भर्ना अभियान सम्वन्धि समन्वयात्मक वैठक तथा नया वर्ष १०८१ काे शुभकामना आदानप्रदान कार्यक्रम सम्पन्न भएको छ । सिकाई केन्द्रका अध्यक्ष हाेम बहादुर साउदकाे अध्यक्षता र वडा अध्यक्ष लाेकराज नाथकाे प्रमुख आतिथ्यतामा कार्यक्रम सम्पन्न भएको हाे ।
कार्यक्रमबाट यस वर्षको विद्यार्थी भर्ना अभियानलाई सफल पार्न नगरपालिकाकाे निर्देशन अनुसार वडानम्वर १, २ र १३ का सवै सामुदायिक विद्यालयहरुमा पुगी समन्वयात्मक वैठक तथा कार्यक्रम संचालन गर्ने निर्णय गरिएको छ । ३ वटै वडाका सवै जनप्रतिनिधिको उपस्थितिमा सिकाई केन्द्रका पदाधिकारी र कर्मचारी सहभागी भएर विद्यार्थी भर्ना सम्वन्धि छलफल, अन्तरक्रिया तथा तथ्यांक संकलन कार्य गरिने भएको छ । वडानम्वर १ र २ मा वैशाख ६ देखि ८ गतेसम्म र वडानम्वर १३ मा वैशाख ११ देखि १५ गतेसम्म अभियान संचालन गर्ने कार्यतालिका बनाईएकाे छ ।

यसैविच सोही वैठकको अवसरमा नयाँ वर्ष २०८१ को शुभकामना आदानप्रदान तथा सिकाई केन्द्रले प्रकाशन गरेको वार्षिक क्यालेन्डर सार्वजनिकिकरण गरिएको छ । कार्यक्रममा उपस्थित सवैले एक आपसमा शुभकामना आदान प्रदान गरिनुका साथै सिकाई केन्द्रले प्रकाशन गरेको वर्ष २०८१ को वार्षिक क्यालेण्डर (भित्तेपात्रो) सार्वजनिक गरि निशुल्क रुपमा वितरण सुरु गरिएको छ । मालिका सामुदायिक सिकाई केन्द्रका पदाधिकारी, आजिवन सदस्य, सिकाई समूह, सरकारी कार्यालय, जनप्रतिनिधि र सरोकारवालाहरुलाई निशुल्क क्यालेण्डर वितरण गर्ने जनाएको छ ।

कार्यक्रममा कार्यपालिका सदस्य हंश थापा राना, वडा सदस्य चन्द्रकला जैगडी, नेकपा माओवादी केन्द्रका जिल्ला कार्यालय सचिव कमल थापा, सिकाई केन्द्रका उपाध्यक्ष मनिराम थापा र ढुंगानी सिकाई समूहका अध्यक्ष ललि थापा लगायतको उपस्थिति रहेको थियो । कार्यक्रमको संचालन सिकाई केन्द्रका सचिव गणेश बहादुर थापाले गर्नुभएको सिकाई केन्द्रका समुदाय कार्यकर्ता निर्मला पाल थापाले जानकारी दिनुभयो ।