मंगलसेन १३ बाडामा गत बैशाख १२ गते घरमा आगलागी भई घर सहित सबै जलेर नष्ट भएका अग्नी पिडितलाई आर्थिक सहयोग हस्तान्तरण गरिएको छ । वडाका केही समाजसेवीहरुको पहलमा देश तथा विदेश बाट संकलन भएको रकम बुधबार मंगलसेनमा एक कार्यक्रमको आयोजनागरि हस्तान्तरण गरिएको हो । स्थानीय समाजसेवी टेक बहादुर धामी, रमेश धामी, मिन बहादुर धामी र सर्प बहादुर धामीको पहलमा संकलन भएको तिन लाख ६ हजार ४ सय २८ रुपैया हस्तान्तरण गरिएको हो । अग्नी पिडित पदम धामी, उदय धामी र महेन्द्र धामीलाई नगर प्रमुख बोहराले चेक हस्तान्तरण गर्नुभएको अभियान्ता टेक बहादुर धामीले बताउनुभयो । देश विदेश बाट दाजुभाई, आफन्त र ईष्ट मित्रले दिएको सहयोग सबै सरोकारवालाको उपस्थितिमा हस्तान्तरण गरि दिदा पारदर्शि समेत हुने भएकाले मंगलसेनमा एक कार्यक्रमको आयोजनागरि रकम हस्तान्तरण गरिएको धामीको भनाई छ । कार्यक्रममा मंगलसेन नगर प्रमुख पदम बहादुर बोहरा, वडा न ३ का अध्यक्ष बृख बहादुर बोगटी, वडा न ४ का अध्यक्ष नाम सिं धामी, वडा न १३ का अध्यक्ष हिक्मत बहादुर बोगटी, शिक्षक कर्ण बहादुर धामी, तेज बहादुर थापा लगायत अग्नि पिडितहरुको सहभागिता रहेको थियो ।
