– बिनोद राज खनाल
तराई र हिमालको बीचमा छ बसेको !
पहाडकी रानी जस्तै सोह्र श्रीङ्गार घसेको ।
पूर्व तिर चराको झै बनेको छ चुच्चो !
यसो हेर्दा लाग्छ अछाम फुलको झै झुप्पो ।
नजिकै छन मालिका माई, शेलेश्वरी माता !
गर्व लाग्ने खालको नै छ हाम्रो गौरव गाथा ।
बैद्यनाथ, नन्दामाता साथमै बर्दादेवी !
रक्षा गर्छन् देवीदेवताले पिडा हुँदा खेरी ।
ठाउँ पनि रमणीय रामारोशन कस्तो !
स्वर्ग पनि हुन्छ होला खप्तड नै जस्तो ।
विनायकको पञ्चदेवल, मेल्लेखको विमकोट !
मंगलसेनको दरबारमा छैन कुनै खोट ।
हेर्दा राम्रो तुर्माखाँद छ ! उस्तै कमलबजार !
भेषभुषामा विविधता संस्कृति छन हजार ।
साँफेबगर, बयलपाटा बान्निगढी काखमा !
बुढीगङ्गा सेती नदी चौरपाटीको साथमा ।
विकास र समृद्धिले दुःख मेटाउनु छ !
कुरीति र कुसंस्कार सबै हटाउनु छ ।
ऐतिहासिक इतिहास राखौं माथि माथि !
धरोहरलाई जोगाउन सबै जुटौं साथी ।
(कवि खनाल जिल्ला प्रशासन कार्यालय, अछाममा नायब सुब्बा हुनुहुन्छ)
