मङ्गलसेन नगरपालिका १३ मा कार्तिक ११ देखि १७ सम्म विभिन्न खेलकुद तथा साँस्कृतिक कार्यक्रम गरिने भएको छ । १३ नं. वडाको आयोजनामा भएको वैठकले वडा स्तरिय युवा तथा खेलकुद विकास समिति गठन गर्दै सो समिति मार्फत कार्यक्रम गरिने भएको हो ।
वडा अध्यक्ष हिक्मत बहादुर बोगटीको अध्यक्षमा भएको वैठकले पुरन बिकको अध्यक्षतामा ११ सदस्यीय वडा स्तरिय युवा तथा खेलकुद विकास समिति गठन गरेको छ । समितिको सचिव धनबिर नेपाली र
कोषाध्यक्षमा इन्द्र बहादुर साउद लगाएत अरु सदस्य रहेका छन ।
दशै दिपावलीको अवसर पारेर गरिने कार्यक्रम अन्तरगत वडा स्तरीय क्रिकेट प्रतियोगिता यहि कार्तिक ११ र १२ गते, भलिवल प्रतियोगिता कार्तिक १३ गते र देउडा खेल लगायत साँस्कृतिक कार्यक्रम कार्तिक १६ र १७ गते निर्णय गरिएको समितिका सचिव धनबिर नेपालीले जानकारी दिनुभयो ।
खेलकुद तथा देउडा कार्यक्रम वडा कार्यालयको मुख्य सहयोग तथा स्थानीय समाजसेवी, व्यापारी, कर्मचारी लगायत देश विदेशमा रहेका सुभेच्छुक शुभचिन्तकको आर्थिक सहयोगबाट सञ्चालन गर्न लागिएको जनाईएको छ ।
