वस्तीमा नेकपा माओवादी केन्द्रको वडा अधिवेशन सम्पन्न

नेकपा माओवादी केन्द्र मंगलसेन नगरपालिका वडानम्वर १३ को पे्रथम वडा भेला नयाँ नेतृत्व चयन गर्दै सम्पन्न भएको छ । वडा कमिटी संयोजक गौरब नेपालीको अध्यक्षतामा भएको कार्यक्रमबाट धनबिर नेपालीको अध्यक्षतामा नयाँ वडा कमिटी गठन गरिएको हो ।

कमिटीको उपाध्यक्षमा जैभान भूल, सचिवमा झनक ढुंगाना, सह सचिवमा भीम नेपाली र कोषाध्यक्षमा लल्ता बिक लगायत ३१ जना सदस्य रहनुभएको छ ।

वडा अधिवेशनको उदघाटन सत्रमा नेकपा माओवादी केन्द्रका जिल्ला कार्यदल सदस्य लोक बहादुर बोगटी प्रमुख अतिथि रहनुभएको थियो । प्रमुख अतिथिको आशनबाट बोल्दै बोगटीले गरिब, निमुखा र पछाडि परेको वर्ग समुदायको मुक्तिका लागि माओवादी केन्द्रले निरन्तर आवाज उठाईरहेको बताउनुभयो । देश नै माओवादीको एजेण्डामा अघि बढिरहेको वताउँदै उहाँले माओवादीले गरेको संघर्षकै कारण सबै नेपाली जनताले अधिकार पाएको बताउनुभयो ।

कार्यक्रममा प्रेस सेन्टर नेपालका केन्द्रीय प्रतिनिधि तथा प्रदेश सदस्य होम साउद ले उत्पिडिता जती र क्षेत्र समुदायले पाएका अधिकारको परयोग गर्दै थप अधिकारका लागि निरन्तर लड्नुपर्नेमा जोड दिनुभयो । यस्तै अखिल क्रान्तिकारीका जिल्ला उपाध्यक्ष कमल थापाले वर्गीय मुक्ति र समाज रुपान्तरणको प्रमुख हिस्सेदार पार्टी माओवादी भएको भन्दै यसमा गोलबद्द हुन सबैलाई आग्रह गर्नुभयो ।

कार्यक्रममा नेपाली काँग्रेसका पूर्व जिल्ला सदस्य पूर्ण बिक, वाईसिएल नेपालक जिल्ला सदस्य नृप बोगटी, माओवादी नेता जैभान भूल  लगायतले शुभकामना मन्तव्य राख्नुभएको थियो । पार्टीका नेता बिजय ढुंगानाले स्वागत मन्तव्य राख्नुभएको कार्यक्रमको संचालन धनविर नेपालीले गर्नुभएको थियो ।