साफेबगर : नेकपा माओवादी केन्द्र साफेबगर नगरपालिका नगर कमिटीले उप मेयर पदका लागि युवा नेतृ बैजन्ती कुवरको नाम सिफारिस गरिएको छ । साफेबगर नगर कमिटीको बैठकमा उप मेयर पदमा आकाङ्क्षा व्यक्त गरेकि उनको नाम जिल्ला समन्वय कमिटीमा सिफारिस गर्ने निर्णय गरिएको हो ।
कलिलै उमेरमा विद्यार्थी जीवन बाट सक्रिय राजनीति यात्रा सुरु गरेकी कुवर २०६४ साल देखि ६६ सम्म महेन्द्र मा.वि .बयालपाटा इकाई कमिटी अध्यक्ष भएर काम गरेकी थिइन ।
त्यस्तै २०७१ मा अनेरास्ववियु जिल्ला कमिटी काेषाध्यक्ष , २०७२ मा अनेरास्ववियु केन्द्रिय कमिटी सदस्यमा मनोनीत , २०७४ को २१ औं राष्ट्रिय सम्मेलन बाट निर्वाचित केन्द्रिय सदस्य र २०७४ को स्थानीय तहको निर्वाचनमा साफेबगर नगरपालिकामा उप मेयर पदको उम्मेदवारी बाट प्रतिस्पर्धा गर्दै हाल अनेरास्ववियुको प्रदेश सम्मेलन २०७८ बाट उपाध्यक्ष पदमा निर्वाचित हुनुहुन्छ ।
