रामारोशन गाउँपालिकामा एक महिने नेपाली कागज उत्पादन तालिमको समापन

सीप सिकेका व्यक्तिलाई गाउँपालिकाबाट अवसर दिईनेः प्रमुख प्रशासकीय अधिकृत भण्डारी

दलबहादुर साउद, रामारोशन, ७ वैशाखः

रामारोशन गाउँपालिकामा वडानम्वर ३ मा एक महिने नेपाली कागज उत्पादन तालिमको समापन गरिएको छ । रामारोशन गाउँपालिका र घरेलु तथा साना उद्योग कार्यालय अछामको संयुक्त आयोजनामा संचालित तालिमको एक कार्यक्रमका विच समापन गरिएको हो ।

Everest Incitute

घरेलु तथा साना उद्योग कार्यालयका नायव सुब्बा प्रकाश उपाध्यायको अध्यक्षतामा भएको तालिम समापन कार्यक्रममा रामारोशन गाउँपालिकाका प्रमुख प्रशासकीय अधिकृत राम बहादुर भण्डारी प्रमुख अतिथि रहनुभएको थियो । तालिम समापन कार्यक्रममा मन्तव्य राख्दै प्रमुख अतिथि तथा गाउँपालिका प्रमुख प्रशासकीय अधिकृत भण्डारीले सीप सिकेका व्यक्तिहरुलाई रामारोशन गाउँपालिकाबाट बिभिन्न अवसर र रोजगारीका कार्यक्रममा समेटीने प्रतिवद्धता व्यक्त गर्नुभयो । सिकेको सीपलाई सहि सदुपयोग गर्दै उद्यमशिल व्यावसायीक वन्न पनि सहभागिलाई आग्रह गर्नुभयो । राम्रो गर्ने व्यक्तिलाई गाउँपालिकाबाट विभिन्न अनुदानका कार्यक्रमहरुमा प्राथमिकता दिईने बताउँदै भण्डारीले त्यसतर्फ अग्रसर बन्नुपर्ने उल्लेख गर्नुभयो ।

कार्यक्रमका अन्य अतिथिमा लक्ष्मी हाते कागज उद्योगका प्रोपराईटर धर्म सिंह साउद, प्रशिक्षक भानुभक्त खत्री लगायतका रहनुभएको थियो । कार्यक्रमको संचालन गाउँपालिका एम आई एस अपरेटर दल बहादुर साउदले गर्नुभएको थियो । २०७८ चैत्र ७ गतेबाट सुरु भएको तालिममा वडानम्वर ३, ६ र ७ बाट ८ जना महिला र ४ जना पुरुष १२ जना सहभागी रहेका थिए ।

Health office
P & T Computers
Leave A Reply

Your email address will not be published.