अछाम जिल्लामा गएराति अबेरसम्म स्थानिय तहको निर्वाचनमा सहभागिता जनाउनका लागि विभिन्न राजनितीदल र स्वतन्त्रबाट उम्मेदवारी दर्ता गराएका छन । अछामका १० वटा पालिकामा ४ सय ७५ पदका लागि १ हजार ५ सय २ जनाको उम्मेदवारी यो समाचार तयार पार्दासम्म आदिकारिक रुपमा ईन्ट्री भएको जिल्ला निर्वाचन कार्यालय अछामले जनाएको छ ।
जसमा कमलबजार नगरपालिका १६७, चौरपाटी गाउँपालिका ११३, ढकारी गाउँपालिका १३७, तुर्माखाँद गाउँपालिका १४३, पञ्चदेवल विनायक नगरपालिका १९३, बान्नीगढी जयगढ गाउँपालिका १०६, मंगलसेन नगरपालिका १९२, मेल्लेख गाउँपालिका१६१, रामारोशन गाउँपालिका १११ र फेबगर नगरपालिका १७९ गरि कुल जम्मा १ हजार ५ सय २ जनाको उम्मेदवारी दर्ता भएको जिल्ला निर्वाचन कार्यालय अछामका सुचना अधिकारी गजेन्द्र प्रकाश थारुले बताउनु भयो ।
जिल्लाका १० वटै पालिकाबाट प्राप्त उम्मेदवारी दर्ता फाईल जिल्लामा ईन्ट्री गर्ने कार्य जारी रहेकाले सख्या अझै बढन सक्ने थारुले बताउनु भयो ।
