मंगला नेरा मावि प्राविधिक तथा ब्याबसायिक शिक्षा सिभिल इन्जिनियरिङ ओलिगाउमा ओभरसियरका लागि फाराम भरेका विद्यार्थीको प्रवेश परीक्षा भोलि हुने भएको छ । शैक्षिक सत्र २०७९ को लागि कक्षा ९ मा प्रवेश परिक्षा फाराम भरेका बिद्यार्थीको परीक्षा बिहान ११ बजे सुरु हुने विद्यालयका प्रधानाध्यापक तथा परीक्षा समितिका संयोजक मीन बहादुर भण्डारीले बताउनु भयो ।
यस अघि बैशाख २१ गतेदेखि जेठ १० गतेसम्म प्रवेश परिक्षाका लागि सुचना जारी गरेपछि बाजुरा, दैलेख र अछाम लगाएतका जिल्लाबाट ६४ जनाले फाराम भरेका छन । ४८ जनाको सिमित कोटा रहेको प्रवेश परिक्षामा उत्कृष्ट प्रथम, द्धितिय र तृतिय हुने छात्रा र छात्र गरि ६ जनाले क्रमश : १००, ७५ र ५० प्रतिशत बार्षिक छात्रवृत्ति सेवा पाउदै आएका छन ।
२०७० सालबाट शिक्षा बिभागबाट मान्यता प्राप्त विद्यालयमा कक्षा ९ देखि १२ सम्म ओभरसियर कक्षा संचालन हुदै आएको छ ।
