क्याम्पसको आकर्षण बढाउने जिम्मेवारी विद्यार्थिहरुको रहेकोः नगर प्रमुख बोहरा

होम साउदः

मंगलसेन बहुप्राविधिक शिक्षालयका नव आगन्तुक विद्यार्थिहरुको स्वागत तथा अभिमुखिकरण कार्यक्रम मंगलसेनमा सम्पन्न भएको छ । प्राविधिक तथा व्यावसायिक तालिम परिषद (CTEVT) को आँगिक शिक्षालयको रुपमा रहेको शिक्षालयले सामान्य चिकित्सा (HA) कक्षा सञ्चालनको पूर्वसन्ध्यामा कार्यक्रम गरेको हो ।

शिक्षालय प्रमुख तिर्थ आचार्यको अध्यक्षतामा भएको कार्यक्रममा मंगलसेन नगरपालिकाका नगर प्रमुख पदम बहादुर बोहरा प्रमुख अतिथि रहनुभएको थियो । कार्यक्रममा बोल्दै नगरप्रमुख बोहराले पहिलो वर्षको सम्पूर्ण खर्च मंगलसेन नगरपालिकाले जानकारी गराउँदै क्याम्पसलाई व्यवस्थित बनाउँनका लागि सबैखाले सहयोग गर्ने प्रतिवद्धता व्यक्त गर्नुभयो । क्याम्पसको आकर्षण बढाउने जिम्मेवारी विद्यार्थिहरुको रहेको बोहराको भनाई छ । अछाम जस्तो ठाउँमा HA पढाई गर्न पाउँनु खुसिको कुरा भएको भन्दै उहाँले विद्यार्थिले जागरुकताका साथ नयाँ झल्को दिन आग्रह गर्नुभयो ।

कार्यक्रममा मंगलसेन नगरपालिका उपप्रमुख संगिता कुमारी रावल, मंगलसेन नगरपालिकाका प्रमुख प्रशासकीय अधिकृत खकेन्द्र बहादुर सोडारी जिल्ला अस्पतालका निमित्त मे. सु. डा. सोनाली बास्कोटा लगायतका अतिथिहरु रहनुभएको थियो ।

अछाम क्याम्पस प्रमुख छत्र बहादुर बिष्टले स्वागत मन्तव्य राख्नुभएको कार्यक्रमको संचालन शिद्धराज ढुंगानाले गर्नुभएको थियो । शिक्षालयले सोमबारबाटै नियमित कक्षाहरु संचालन गरेको छ ।