माओवादी केन्द्रको राष्ट्रिय सम्मेलनमा १२ सय प्रतिनिधि सहभागी हुने

नेकपा माओवादी केन्द्रको आगामी पुसमा हुने राष्ट्रिय सम्मेलनमा करिब १२ सय प्रतिनिधि सहभागी हुने भएका छन् । बुधबार बसेको स्थायी कमिटी बैठकमा १२ सयसम्म प्रतिनिधि सहभागी बन्ने आँकलन गरेको नेता गणेश साहले जानकारी दिए । ‘स्थानीय,प्रदेश र केन्द्रका गरेर १२ सय प्रतिनिधि सहभागी हुनसक्ने आँकलन गरिएको छ’, साहको भनाइ छ ।

यसैगरी बैठकले एकै व्यक्ति दुईवटा कमिटीमा बस्न नपाउने निर्णय गरेको स्थायी कमिटी सदस्य देवेन्द्र पौडेलले जानकारी दिए । उनले भने, ‘केन्द्रीय कमिटीका सदस्यहरु प्रदेश कमिटीमा र प्रदेश सदस्य पालिकास्तरीय कमिटीमा बस्न नपाउने भएका छन् । माओवादी केन्द्रले आगामी पुस ११ देखि १३ गतेसम्म राष्ट्रिय सम्मेलन गर्ने निर्णय गरेको छ ।

Everest Incitute

नेता देव गुरुङले यसबीचमा विभिन्न घटकसँग भएका पार्टी एकता र अर्को पार्टीबाट आएका नेताहरुलाई जिम्मेवारी दिने सवालमा पार्टीमा गठन भएको कार्यदलको सुझावका आधारमा अघि बढ्ने निर्णय गरेको जानकारी दिए । त्यस्तै उनले स्कुल विभागले पेश गरेको प्रतिवेदनबारे पनि छलफल गरेर अघि बढ्ने निर्णय भएको जानकारी दिए ।

त्यस्तै उनले बैठकमा संगठनलाई अझ व्यवस्थित पार्न संगठन विभागबाट आएको सुझावका बारेमा छलफल भएको बताए । ‘पार्टीलाई कसरी अझ सुदृढ व्यवस्थित पार्ने ? गुणात्मक ढंगले संगठनलाई कसरी विस्तार गर्ने भन्ने केही योजनाहरु संगठन विभागले प्रस्तुत गरेको छ । र ती कुराहरु मूलभूत रुपमा बैठकले स्वीकार गरेको छ’, बैठकपछि नेता गुरुङले सञ्चारकर्मीलाई जानकारी दिए ।

 

-ratopati

Health office
P & T Computers
Saud Agro Kailash
Leave A Reply

Your email address will not be published.