नेकपा एमाले मंगलसेन नगरकमिटी सदस्य एंव वडा नम्बर ११ का वडा कमिटी अध्यक्ष टेक बहादुर भण्डारीको निधन भएको छ । पौष १४ गते गएराती नेता भण्डारीको ५६ बर्षको उमेरमा आफ्नै निवास खिमाडामा अकस्मात निधन भएको हो । स्वास्थ्यमा कुनै समस्या नभएका नेता भण्डारीको एक्कासि निधन भएको उहाका आफन्त जगत भण्डारीले बताउनु भयो ।
२०७४ सालको स्थानिय तहको निर्वाचनमा वडा नम्बर ११ एमालेकाे तर्फबाट वडा अध्यक्षको उम्मेदवार समेत बनेका नेता भण्डारीको निधनले पार्टिलाई समेत अपुरणिय क्षति पुगेको एमाले अछामले जनाएको छ ।
पार्टीका लागि निकै लगनशील, ईमान्दार नेता भण्डारी भएकाले जहिले पनि अभाव खटकिरहने पार्टीले जनाएको छ । उहाका अन्तिम दाहासस्कार पौष १६ गते कैलाशखोलामा गरिने पारिवारिक स्राेतले जनाएको छ । नेता भण्डारीका २ छोराछोरी र श्रीमती छन ।
