मंगलसेन नगरपालिकाका प्रमुख पदम बहादुर बोहराले अबको शिक्षा प्रविधि युक्त हुनु पर्ने बताउनु भएको छ । विद्यालयको मात्र शैक्षिक पाठ्यक्रम मात्र नभई अन्य बाह्य व्यावहारिक र सुचना केन्द्र केन्द्रीत ज्ञान लिन समेत आग्रह गर्नु भयो ।
सामाजिक उत्तरदायित्व अन्तर्गत कुन्ति मावि कुन्तिमा भएको अन्तरक्रिया कार्यक्रममा बोल्दै नगर प्रमुख बोहराले विद्यालयमा रहेको नमुना किशोर किशोरी मैत्री सुचना केन्द्रलाई व्यवस्थापनका लागि अभिभावक र शिक्षकले चासो दिनुपर्ने बताए । अभिभावकको सल्लाह अनुसार हरेक काम गर्नु पर्ने किशोर किशोरीलाई सुझाव दिदै व्यावहारिक ज्ञानमा ध्यान दिनू पर्ने बताउनु भयो ।
UNFPA को आर्थिक सहयोग र फाया नेपाल धनगढी कैलालीको आयोजनामा भएको कार्यक्रममा वडा नम्बर १ का अध्यक्ष लोकराज नाथले आगामी दिनमा किशोर किशोरी खुलेर बोल्ने बनाउनका लागि अतिरिक्त क्रियाकलापमा विद्यार्थीलाई जोडन आग्रह गर्नु भयो । विद्यालयमा वडा सरकारकाे तर्फबाट सहयोग गर्न तत्पर रहेको बताउनु भयो ।
विद्यालय व्यवस्थापन समिति अध्यक्ष गंगा थापाको अध्यक्षतामा भएको कार्यक्रम विद्यालयका प्रधानाध्यापक मदन बहादुर बोगटीले किशोर किशोरी मैत्री सेवा, विद्यालय नर्सिङ सेवा लगाएतका कार्यक्रम विद्यालयमा प्रभावकारी बन्दै गएका बताउनु भयो ।
आगामी दिनमा विद्यार्थीका समस्यालाई समाधान गर्दै जाने बताउनु भयो । कार्यक्रममा सहभागी किशोरकिशोरीले विद्यालयमा खानेपानी, शौचालयको सरसफाइ, सेनेटरी प्याड ब्याबस्थापन लगाएतका बिषयमा जिज्ञासा राखेका थिए ।
अन्तरक्रियामा वठा नम्बर २ का पुर्व अध्यक्ष मान बहादुर बोगटी, वडा नम्बर १ सदस्य गंगा थापा, UNFPA अछामका प्रमुख भरत गोतामे लगाएतका अतिथि रहनु भएको थियो ।
कार्यक्रमको सहजिकरण पत्रकार टेक बहादुर थापा र कमल रावलले गर्नु भएको थियो ।
