आगामी मंसिर ४ मा हुने संघिय र प्रदेश सभा निर्वाचनमा अछाम क्षेत्र नम्बर २ मा संघ तर्फ चन्द्र प्रसाद ढुंगाना र प्रदेश सभा क बाट बम बहादुर बिसीले स्वतन्त्र उम्मेदवारी दर्ता गराएका छन ।
नेपाली काग्रेसको उपसभापति पदबाट स्थानीय तहको निर्वाचन लगतै राजिनामा दिएर स्वतन्त्र बनेका युवा नेता ढुंगानाले संघमा स्वतन्त्र उम्मेदवारी दर्ता गराएका मुख्य निर्वाचन अधिकृतको कार्यालयले जनाएको छ । प्रदेश सभा क बाट स्वतन्त्र उम्मेदवारी दर्ता गराएका नेता बम बहादुर बिसी एमाले सुदुरपश्चिम प्रदेश कमिटी सदस्य थिए ।
स्थानिय तहको निर्वाचन तुर्माखाँद गाउँपालिका अध्यक्षको टिकट नपाए देखि रुष्ट बनेका नेता बिसीको नाम प्रदेश क मा नाम सिफारिस भएको थियो । उनलाई पार्टीले टिकट नदिएर विनायक क्षेत्रका नेता भिम बहादुर बिष्टलाई टिकट दिएको छ । त्यसपछि बिसीले स्वतन्त्र उम्मेदवारी दर्ता गराएका हुन ।
