मंगलसेन नगरपालिका स्तरीय १३ औं राष्ट्रपति रनिङ शिल्ड छनोट प्रतियोगितामा मंगला नेपाल राष्ट्रिय माध्यमिक विद्यालय वलिगाउ प्रथम भएको छ । आज सकिएको छनोट प्रतियोगितामा स्वर्ण, रजत र कास्य गरि ७४ पदक मध्ये १० पदक हात पार्दै मंगला प्रथम भएको हो । प्रथम मंगलाले ७ स्वर्ण, १ रजत र २ कास्य हात पारेको हो ।
दोस्रो भएको षोडशा माध्यामिक विद्यालय मंगलसेनले ५ स्वर्ण, ६ रजत र २ कास्य गरि १३ पदक जितेको छ । भने तेस्रो भएको अछाम बहुमुखि क्याम्पसले ८ पदक, चौथो गंगा माविले १० पदक, पाँचौं कुन्ति माविले ७ पदक, छैटौं यशोधरा माविले १० पदक, सातौँ राधा माविले ५ पदक, आठौं अन्नपूर्ण माविले ३ पदक, नवौँ कालिका माविले ५ पदक, दशौँ शिशुसुधार माविले २ पदक र एघारौं स्थानमा रहेको १ पदक हात पारेको थियोे ।
माघ २१ गतेबाट सुरु भएको प्रतियोगितामा अछाम क्याम्पस सहित १२ माध्यमिक विद्यालयले सहभागीता जनाएका थिए । प्रथम, द्धितिय, तृतीय र शान्तवना विद्यालयलाई रनिङ शिल्ड, कप, मेडल, प्रमाणपत्र र नगद रकम प्रमुख अतिथि जिल्ला समन्वय समिति प्रमुख ललित वहादुर कुवर, बिशिस्ट अतिथि मंगलसेन नगरपालिका प्रमुख पदम बहादुर बोहरा, अन्य अतिथिले हस्तान्तरण गरेका थिए ।
पालिकामा मंगला नेरा मावि प्रथम भएपछि जिल्ला समन्वय अछामका प्रमुख ललित वहादुर कुवरले आफ्नो व्यक्तिगत तर्फबाट नगद ५ हजार ५ सय ५५ पुरुस्कार समेत दिएका थिए ।
हेर्नुहोस पदक विजेताको पूरा विवरण :
