होम साउद, अछाम १८ मंसिरः
प्रथम कमल रावत स्मृति कप क्रिकेट प्रतियोगिताको उपधि उचाल्न सफल मंगलसेन नगरपालिकाको टिमलाई नगरप्रमुख पदम बहादुर बोहराले आफ्नो १ महिनाको सेवा सुविधा पुरस्कार स्वरुप उपलब्ध गराउँने घोषणा गर्नुभएको छ । क्रिक्ट टिमले उपाधी उचाले संगै नगरप्रमुख बोहराले सामाजिक सञ्जाल फेसबुक मार्फत सो घोषणा गर्नुभएको हो ।
खेलाडिहरुको हौसला बढाउनका लागि नगरप्रमुख बोहराले व्यक्तिगत रुपमा सहयोग उपलब्ध गराउने घोषणा गरेको बताएका छन । बोहराले सामाजिक संजाल फेसबुमा लेख्नुभएको छ – “कमलबजारमा सम्पन्न प्रथम कमल रावत स्मृति कप कृकेट प्रतियोगितामा प्रथम हुन सफल मंगलसेन नगरपालिकाको टिम र खेलाडी साथिहरुलाइ हार्दिक बधाइ सहित खेलाडिहरुको प्रोत्साहनको लागि ब्यक्तिगत रुपमा मेरो १ महिनाको सेवा सुविधा पुरस्कार स्वरुप प्रदान गर्ने घोषणा गर्दछु ।”
नगरप्रमुखले यसरी खेलाडिको मनोवल बढाउनका लागि व्यक्तिगत तवरबाट पुरस्कारको घोषणा गरेपछी सामाजिक संजालमा उहाँको सो कार्यको प्रसंशा समेत भईरहेको छ ।
यसअघि शुक्रबार कमलबजारमा सम्पन्न प्रथम कमल रावत स्मृति कप क्रिकेट प्रतियोगिताको उपाधी मंगलसेन नगरपालिकाको टिमले उचालेको थियो । फाईनल खेलमा आयोजक कमल रावत स्मृति क्लब ए लाई १८ रनले पराजित गर्दै मंगलसेनले उपाधि उचाल्न सफल भएको हो ।
प्रतियोगितामा प्रथम भएको मंगलसेन नगरपालिकाले नगद ७१ हजार १ सय ११ सहित कप, मेडल र प्रमाणपत्र पाएको छ भने उपविजेतामा चित्त बुझाएको कमलबजारले नगद ३१ हजार १ सय ११ सहित कप, मेडल र प्रमाणपत्रमा प्राप्त गरेको छ । त्यस्तै तेस्रो भएको भिम पाईल स्पोर्ट्स क्लब ठाटिखाद गाउपालिका दैलेखले १० हजार नगद प्राप्त गरेको छ ।
सम्वन्धित समाचारः
प्रथम कमल रावत स्मृती कप क्रिकेट प्रतियोगिताको उपाधि मंगलसेन नगरपालिकालाई
