अछाम :
जिल्लाको मेल्लेख गाउँपालिकामा आधारभूत अस्पतालको उद्घाटन गरिएको छ। सोमबार मेल्लेख गाउँपालिका -५ बिन्धेबासीनीको चौखुट्टेमा १५ शैयाको आधारभुत अस्पतालको उद्घाटन गरिएको हो ।
मेल्लेख गाउँपालिकाका नागरिकलाई आधाभूत स्वास्थ्य सेवाका लागि गाउँपालिका बाहिर जानुपर्ने अवस्थाको अन्य गर्ने उदेश्यले अस्पतालको स्थापना गरिएको गाउँपालिका अध्यक्ष लोक बहादुर बोहराले बताए ।
१ करोड ११ लाख २० हजारको लागतमा भौतिक संरचनाको निर्माण र ४२ लाखको लागतमा उपकरण सहित कुल १ करोड ५३ लाख २० हजारको लागतमा आधारभूत अस्पतालको उद्घाटन गरिएको गाउँपालिका उपाध्यक्ष धन बहादुर शाहीको भनाई छ ।
हाल आधारभुत अस्पतालमा भिडियो एक्सरे, एक्सरे, अक्सिजन कन्सन्टेटर, १८ ओटा अक्सिजन सिलिन्डर, ल्याव, १२ ओटा बेड सहित अन्य स्वास्थ्य सामाग्री समेत राखिएको छ ।
-Ramaroshantodya
