अछाम, २८ भदौ ।
मेल्लेख गाउँपालिकाले आफ्नै सुविधा सम्पन्न प्रशासनिक भवन निर्माण कार्य सम्पन्न गरेको छ । नवनिर्मित भवनको सोमबार गाउँपालिका अध्यक्ष लोक बहादुर बोहराले एक समारोहका विच उदघाटन गर्नुभएको हो ।
भवन उदघाटन गर्दै गाउँपालिका अध्यक्ष बोहराले निर्वाचित भएको बेला र अहिलेको अवस्थालाई आम जनाताले बुझिदिन आग्रह गर्नुभयो । गाउँपालिकाले सधैंव आम नागरिकको सेवामा लागिएको र आम नागरिककले समेत चासो राख्नुपर्ने बताउनुभयो ।
प्रशासनिक भवन सञ्चालनमा आएसँगै गाउँपालिका कार्यालयबाट प्रदान गरिने सम्पूर्ण सेवा सहज तथा प्रविधिमैत्री हुने मेल्लेख अध्यक्ष बोहराको विश्वास छ ।
मेल्लेख गाउँपालिकाले सधै समृद्धिका सपना देख्ने गरेको र ती सपनाहरुलाई पछ्याएर अघि बढिरहेको बोहराले बताउनुभयो । उहाँले आगामी दशैं सम्म मेल्लेख गाउँपालिकाको वडा नं १, २ र ३ मा कुटिल उघोग स्थापना गरिसक्ने प्रतिबद्दता जनाउनुभयो ।
साढे दुई तले प्रशासनिक भवन निर्माणका लागि २ करोड १५ लाख लागत लागेको गाउँपालिकाका निमित्त प्रमुख प्रशासकिय अधिकृत दिर्घ खड्काले बताउनुभयो । गाउँपालिकाका सबै सेवाहरु अव नयाँ भवनबाट संचालन गरिने छन ।
भवनको उदघाटन संगै गाउँपालिकामा सूचना प्रविधि केन्द्रको समेत उद्धाटन गरिएको छ। सबैले मेल्लेख सूचना प्रबिधि केन्द्रबाट गाउँपालिकाबाट गरेका गतिविधि हेर्न सकीने सूचना प्रबिधि अधिकृत चन्द्र प्रकाश साउदले जानकारी दिनुभयो ।
-Nirakarankhabar
