तुर्माखाँद ४ का वडाध्यक्ष बिसीले आफूले निर्वाचनमा पाएको मतको दोब्बर संख्यामा बिरुवा रोपे

अछामः

अछामको तुर्माखाँद गाउँपालिका–४ का वडाध्यक्ष पदम बहादुर बिसीले आफूले पाएको मतको दोब्बर संख्यामा बिरुवा रोपेका छन् । राष्ट्रिय वृक्षारोपण दिवसको अवसरमा मंगलबार वडाका सार्वजनिक स्थानमा २,१३० ओटा बिरुवा रोपिएको हो ।

मतदाताको सम्मानसँगै ‘हरियाली तुर्माखाँद’अभियान अन्तर्गत वृक्षारोपण गरिएको वडाध्यक्ष पदमबहादुर बिसीले जानकारी दिए ।साथै ‍जलवायु परिवर्तनविरुद्धको अभियानलाई साथ दिन आगामी पाँच वर्षभित्र वडाको जनसंख्या बराबर बिरुवा रोप्ने लक्ष राखिएको उनले बताए ।

Everest Incitute

वडाले विद्यालय, स्वास्थ्यचौकी, हुलाक कार्यालयजस्ता सार्वजिनक क्षेत्रमा वृक्षारोपण गरेको छ । रोपिएका बिरुवाको संरक्षण गर्ने संस्थालाई प्रोत्साहन गर्न पुरुस्कारको व्यवस्था गरिएको वडाध्यक्ष बिसीको भनाइ छ ।

वडाध्यक्ष बिसीले वैशाख ३० मा सम्पन्न निर्वाचमा १०२८ मत पाएका थिए । उनले पदभार ग्रहण गरेपछि पहिलो बैठकबाट मतदाताको सम्मानस्वरूप वृक्षारोपण दिवसमा १०२८ ओटा बिरुवा रोप्ने निर्णय गरेका थिए ।

वृक्षारोपणसँग गाउँपालिकाको शिक्षा शाखाको आयोजनामा ‘हरियो वन, नेपालको धन’ शीर्षकमा गाउँपालिकास्तरीय मावि तहका लागि वक्तृत्वकला प्रतियोगिता आयोजना गरिएको थियो । वडाले निमावि तहका लागि वडास्तरीय नृत्य प्रतियोगिता गरेको थियो । तुर्माखाँद गाउँपालिका वडानम्वर ४ का वडा अध्यक्ष बिसी नेकपा माओवादी केन्द्रबाट निर्वाचित हुनुभएको थियो ।

-barakhari

Health office
P & T Computers
Leave A Reply

Your email address will not be published.