कञ्चनपुरः
शुक्लाफाँटा नगरपालिका वडा नम्बर–८ का वडा अध्यक्ष बहादुरसिंह महराले पदबाट राजीनामा दिएका छन् । शुक्लाफाँटा नगरपालिकाको १२ औँ नगर अधिवेशनमा नगर प्रमुख रणबहादुर महरालाई उनले राजीनामा पत्र बुझाएका हुन् ।
३० बैशाखमा सम्पन्न स्थानीय तह चुनावमा उनी नेकपा माओवादी केन्द्रका तर्फबाट दोस्रो पटक वडा अध्यक्ष पदमा निर्वाचित भएका थिए । नगरप्रमुख महरालाई बुझाएको पत्रमा उनले निरन्तर रुपमा जनचाहना र जनभावना विपरीतका कार्यहरु भइरहेको र किनाराको साक्षी बस्दा जनमतको अपमान हुने भएकोले राजीनामा दिएको उल्लेख गरेका छन् ।
महराले माओवादी केन्द्रसमेत परित्याग गरेका छन्। नगर कमिटी अध्यक्षलाई उनले पार्टी परित्यागको पत्र पठाएका हुन्। उनी माओवादी छाडेर आजै नेकपा बहुमतमा प्रवेश गरेको उक्त पार्टीले जनाएको छ । महरालाई आजै नेकपा बहुमतका केन्द्रीय सचिवालय सदस्य तथा पार्टी व्युरो इन्चार्ज महानले स्वागत गरेको उक्त पार्टीका कार्यालय सचिव दीपेन्द्र ऐरीले जानकारी दिएका छन् ।
-simarekha
