किसान बहुउद्देश्यीय सहकारी संस्था लिमिटेड एकाई नम्बर ७ ज अन्तरगत मंगलसेनको २९ औँ बार्षिक साधारण सभा सम्पन्न भएको छ । संचालक समिती उपाध्यक्ष टिकेन्द्र बहादुर थापाको अध्यक्षातामा भएको कार्यक्रममा ५ जना उत्कृष्ट शेयर सदस्य र संस्थाका शेयर सदस्य मध्येबाट २०७९ सालको एसईईमा उत्कृष्ट नतिजा ल्याउने एक जना छात्र र छात्रालाई किसान कोप शिक्षा पदकले सम्मान गरिएको थियो ।
मंगलसेन एकाई अन्तरगत ४ सय ४० शेयर सदस्यमा तुल बहादुर कुवर, तुलेन्द्र खनाल, डबल बहादुर रोकाया, झनक अधिकारी र प्रवेश बहादुर भण्डारीलाई प्रसंशापत्र सहित सम्मान गरिएको हो । त्यसैगरि किसान कोप शिक्षा पदक पाउनेमा शेयर सदस्य डम्मर प्रसाद भट्टराईका छोरा मोहित भट्टराई र ईमान बटालाकी छोरी कृतिका बटाला रहेका छन ।
सभामा संस्थाको आगामी पौष २७ गते केन्द्रिय कार्यालय लम्कीमा हुने साधारण सभाका लागि मंगलसेन एकाई मार्फत १३ वटा प्रस्ताव पारित गरिनुका साथै ४ जनालाई प्रतिनिधी समेत छनोट गरिएको छ ।
बन्दसत्रबाट नयन सोडारी, नरेश कुमार शाही, हर्क बहादुर शाह र सरला रावललाई प्रतिनिधी छनोट गरिएको किसान बहुउद्देश्यीय सहकारी संस्था लिमिटेड मंगलसेनका शाखा प्रबन्धक रमेश सोडारीले जानकारी दिनु भयो ।
