काठमाडौं
नेशनल युनाइटेड स्कुलको आयोजना तथा नेपाल गोजु-काई कराते डो-संघको प्राविधिक सहयोगमा शुक्रबारदेखि इण्डो नेपाल खुला कराते प्रतियोगिताको नवौं संस्करण सुरु हुने भएको छ ।
बुढानीलकण्ठस्थित स्कुलको प्रांगणमा शुक्रबार र शनिबार हुने प्रतियोगितामा नेपाल र भारतका २५० भन्दा बढी खेलाडीको सहभागिता रहने प्रतियोगिता संयोजक इन्द्रबहादुर शाहीले जानकारी दिए ।
प्रतियोगितामा नेपालका २२४ र भारतका ३२ जना खेलाडीले काता र कुमुते विधामा प्रतिस्पर्धा गर्नेछन् । प्रतियोगितामा कुमुतेतर्फ महिला र पुरुषको १२–१२ तौलसमूहमा प्रतिस्पर्धा हुनेछ ।
कातामा परुष र महिलाको एकल काता समावेश गरिएको छ । २४ स्वर्ण, २४ रजन र ४८ कांस्य पदकका लागि प्रतिस्पर्धा हुनेछ ।
