एजेन्सीः
रुसले गरेको क्षेप्यास्त्र प्रहारबाट दक्षिणी क्षेत्र ओडेसामा २० जना गैरसैनिक मारिएको युक्रेनले दाबी गरेको छ ।
ओडेसा क्षेत्रमा एक बालकसहित कम्तीमा २० जनाको ज्यान गएको युक्रेनी अधिकारीको दाबी छ ।
आक्रमणमा ६ बालबालिकासहित ३८ जना घाइते भएका युक्रेनी अधिकारीलाई उद्धृत गरी बीबीसीले जनाएको छ ।
क्षेप्यास्त्र प्रहार भएका बेला उनीहरु नौ तले भवनमा रहेका थिए । नौ तले भवनको भग्नावशेषमा अग्नि नियन्त्रकले जीवित हुनसक्ने व्यक्तिको खोजी गरिरहेको भिडियो समेत सार्वजनिक भएको छ ।
रुसले केही दिनयता युक्रेनी सहरमा दर्जनौँ क्षेप्यास्त्र प्रहार गरेको खबरमा उल्लेख छ । तर क्रेमलिनका प्रवक्ता दिमित्री पेस्कोभले रुसले नागरिकलाई लक्षित गरी कुनै पनि आक्रमण नगरेको प्रतिक्रिया दिनुभएकाे छ ।
